Berri onakin gera

Berri onakin gera

jendeak etorri

aingeruak Zerutik

digute ekarri.

 

Guk ere eman behar

diegu alkarri

hain da zoragarria

enbajada hori.

 

Oraingo notizia

egia klarua

aingeruaren esana

ez liteke duda.

 

Honek merezi ditu

baten lekuan bi

Beraren etorrera

santifika bedi.

 

Egun onak ematen

hesten gera gaurtik

bihar zelebratzeko

Pazkua-Egubarrik.

 

Pasatu behar degu

egun haundi hori

alabantzak ematen

Zeruko Erregeari.

 

Zerutarrak ari dira

musikea jotzen

Aingeruzko pilo bat

gloria kantatzen.

 

Artzaiak belauniko

Jesus adoratzen,

Jose eta Maria

begira zoratzen.

 

Guk era adora dezgun

bihotzetik hemen

gero bizi gaitezen

alkarrekin amen.

(Itsasondo, Oiartzun eta Gipuzkoako beste leku batzuetatik osatutako kopla bilduma. "Oles ta Oles" liburuxkatik hartua.)