Erregeak datoz

Erregeak datoz

Jesus adoratzen.

Gu bere hemen gatoz

limosnea batzen.

 

Apalazio zalduna

Hiru Erregeen eguna,

zotzak eta paluak

estudianteen kontuak.

 

Estudianteak sasirik sasi

asko jan eta gitxi ikasi,

txoritxua kaiolara

estudiantea eskolara.

 

Hemen gatoz lau,

kanpae jotzen bi,

emoizu limosnea

Jangoikoagaitik.

 

Erregeak datoz

Jesus adoratzen.

Gu bere hemen gatoz

limosnea batzen.

 

Apalazio zalduna

Hiru Erregeen eguna,

zotzak eta paluak

Martina atsoaren kontuak.

 

Martina atsoari eroan deutsaz

hiru oilanda katuak,

haren hazurrak txupadu ezinik

harek dabiltzaz sailtuak.

 

Hemen gatoz lau,

kanpae jotzen bi,

emoizu limosnea

Jangoikoagaitik.

 

Erregeak datoz

Jesus adoratzen.

Gu bere hemen gatoz

limosnea batzen.

 

Apalazio Mari Montaņa

hiru intxaurtxu eta lau gaztaina.

Haren gainetik launa sagar

gure altzoa zabal-zabal.

 

Ateondoan hotzez hiltzeko

amak ez gaitu bialdu.

Zurei begira gagozan artean

egingo jaku berandu.

 

Hemen gatoz lau,

kanpae jotzen bi,

emoizu limosnea

Jangoikoagaitik.

 

(Bizkaiko Gabon kanta, "Oles ta oles" liburuxkatik hartuta.)