Oi Bethleem!

Oi Bethleem!,

hala egun zure loriak,

oi Bethleem!,

ongi baitu ditiratzen

zuganik heldu den argiak

betetzen ditu bazter guziak,

oi Bethleem!

 

Zer ohore!

Hala baitzare goratua!

Zer ohore!

Zer grazia! Zer fagore!

Zeruaz zare hautatua,

Jesusen zare sorlekua,

zer ohore!

 

Guregatik

Jainko bat boterez beta,

guregatik,

jausten da Zeru goratik

bai sortzen da Jesu maitea,

biktima motarik gabea,

guregatik.

 

Mainateran

datza haurrik aberatsena,

mainateran!

Nork zukeen sekulan erran

Zeru-lurren Jabea dena

ikusiren zela etzana

mainateran!?

 

Artzainekin

heldu naiz zugana lehiaz,

artzainekin,

haiek bezala nahiz egin

adoratzen zaitu, Mesias,

eta maite bihotz guziaz,

artzainekin.

 

Ez dut deusik,

o, Jesus, zuri eskaintzeko,

ez dut deusik,

bihotz hobendun bat baizik

eskerren zuri bihurtzeko

hainbat emaitzen pagatzeko,

ez dut deusik.