18/05/20

Kaixo, juulkideak:
Honen bidez, Nafarroako ONCE delegazioak dituen euskarazko liburu zerrendak bidali nahi dizkizuegu, bata Braille euskarrian eta bestea soinu euskarrian. Irakurketa haur guztiengana iristeko gure eskuetan dauden ahaleginak jorratzeak merezi du.
Zuen interesekoak izango direlakoan, ongi izan,
JUUL antolatzaileak

18/04/25

Mezu honen bidez, JUUL kanpainaren ebaluazioa egiteko galdetegia bidaltzen dizuegu. Biziki eskertuko genizueke betetzea! Egitasmoaren inguruan duzuen iritzia guri helaraztea, oso baliagarria baita JUUL kanpainaren antolaketarako!

Epea erantzuteko: maiatzak 9

JUUL 2018 ebaluazio-galdetegia

18/04/24

18/04/19

Kaixo JUUL kide,

Lehenik eta behin ZORIONAK guztiei egindako lanarengatik! Zoragarriak zarete!

Eta, orain, Juul hauteskunde eguna ondoren, Juul kanpaina eta orokorrean irakurtzeko zaletasuna sustatzeko ekimenak ez ditugu bukatutzat eman behar. Zer egin dezakegu eskuartean ditugun emaitza horiekin? Hona hemen ideia batzuk bozketako emaitzei etekina emateko.

JUUL 2018 HAUTESKUNDE LITERARIOEN EMAITZAK

Zorionak hautatuenak izan diren idazleei eta ilustratzaileei!
Eskerrik asko partaide izan zareten guztiei!

18/03/19

Kaixo, Juul kideak:
Gogoratu bozketa-elektronikoaren probak egiten ahal dituzuela zuen ikastoletan, martxoaren 20an eta 21ean.
Arazoren bat edukiz gero, jar zaitezte antolatzaileekin harremanetan.
Ongi izan,
NAFARROAKO IKASTOLEN ELKARTEA
948222196

JUUL hauteskunde literarioak martxan!!!

Datorren APIRILAK 17 (Seaskako ikastolek martxoaren 26an eta 27an egingo dute) JUUL hauteskunde literarioen eguna izango dugu eta eguna girotzen joateko, hainbat baliabide eskuragarri dituzuela gogoratu nahi dizuegu, adibidez: 

Ipuin hauetako protagonistak matxinatu egin dira: jada ez dute nahi izan printzesak, emazte sakrifikatuak edo ama sukaldariak. Aspertu dira eder eta galant izateaz eta beren marfilezko dorretik bizitza igarotzen ikusteaz. Ipuin sorta honek –gaurkoak eta freskoak– betiko istorioen beste ikuspuntu bat eskaintzen du, elokuentziaz beterikoa. Irakurtzeko eta ikuspegi kritiko batetik gozatzeko.

BAZTAN IKASTOLA
Azken bi hilabeteetan lan eta lan aritu dira Baztan Ikastolako LH 4. mailako ikasleak. Hilabete hauetan praktiketako ikasleak hainbat ipuin kontatu ondoren, orain ikasleen txanda iritsi da!
4 pertsonako taldeak osatu dituzte eta izaki mitologiko ezberdinei buruzko ipuinak sortu dituzte honakoan. Talde bakoitzak izaki mitologiko bat aukeratu du haien ipuineko protagonista izateko, eta oso ipuin politak eta landuak sortu dituzte.

18/03/06

Aurtengo JUUL kanpainaren zenbait data eta hainbat datu gogoratu nahi genizkizueke.

Galtzagarri Elkarteak HAUR ETA GAZTE LIBURUAREN NAZIOARTEKO EGUNA ospatzeko, zenbait ideiekin mezua bidali digu.
Lotura honetan topatuko duzue informazio guztia.
Interesgarria izango delakoan, ongi izan,
NAFARROAKO IKASTOLEN ELKARTEA

Iaz, R.M. Azkue Ikastolan, euskarazko irakurzaletasuna bultzatzeko, eta JUUL Kanpainarekin lotutako bidoe-muntaia egin zuten JUUL kantaren soinua jarrita.

Oso polita eta giro ederra sortzeko baliagarria!!!!

Zuen gustukoa izatea espero dugu eta eskerrik asko R.M. Azkue Ikastolari!

V. IRAKURTZEKO ZALETASUNA SUSTATZEKO JARDUERAK BAZTAN IKASTOLAN
Baztan Ikastolatik jaso dugu oraingoan informazioa! Eskerrik asko!
Azken hilabeteetan, praktiketako ikasle bat etorri da gure ikastolara eta Lehen Hezkuntza 4. mailako ikasleekin dago. Denbora honetan, irakurzaletasuna sustatzeko zenbait jarduera egin dituzte eta juul kide guztiekin partekatu nahi ditugu.

JUUL kanpainan neska eta mutilen artean parekidetasuna izatea landu nahi da, eta, baita generoaren integrazioaren ikuspegia zaindu ere. Horretarako, generoarekin lotuta dauden gaiei buruzko liburu-zerrenda bidaltzen dizuegu. Horretaz gain, Zapia buruan, ibili munduan! Amelia Barquín-en blogean argitaratutako “Umeak, genero eta transexualitatea. Bost ipuin... eta gogoeta bat” artikulua uzten dizuegu irakurtzeko.

Zuen interesekoa izango delakoan, segi ongi!