Ikastolen 24. Jardunaldi Pedagogikoak egin ziren iragan maiatzaren 5ean eta 6an, Hernaniko Orona Ideo Auditoriumean eta EHUren Bilboko Auditoriumean. Jarraian dituzue, jardunaldiotako lehenbiziko eguneko bi bideo. Lehendabizikoan Federico Malpicaren hitzaldia dago, osorik. Federico Malpica Bartzelonako Escalae Institutuko zuzendari eta sortzaileetako bat da. Hezkuntza doktorea da, eta aholkularitza pedagogikoa ematea da bere egungo egiteko nagusia. Munduko sei herrialdetan dabil aholkularitza lanetan.BIGARREN bideoan, Malpicak gidatuta egindako taldekako hausnarketaren ondorioen bilketa dago.
Ikastolen Elkarteak KIVA programa aurkeztu du Eusko Legebiltzarrean. Azalpenak emateko bertan izan dira Ikastolen Elkarteko lehendakari Koldo Tellitu, Lehen Hezkuntzako arduradun Belen Baztarrika eta KIVA programaren koordinatzaile Agueda Laraudogoitia.
Bideo honetan ikus daiteke EHIren ordezkarien agerraldia. Baliagarria da, halaber, KIVA zer den eta ikastoletan nola inplementatzen ari diren zabaltzeko eta jakiteko.
_20191009131205Log.jpg)
