II. IDEIA: IRAKURKETAREN GAUA

• 18/11/2013

Aurkeztuko dizuegun ideia berri hau Erentzun ikastolatik bidali digute. Bertako andereño batek Suitzan egoten da askotan eta hango ikastetxe batean egiten dutena gurekin partekatu du.

• Irakurketaren gaua deitzen diote ekimenari. Gela batek (edo bik) ikastolan gaua pasatzen du irakurtzeko helburuarekin.
• Ikastolan afaltzeko elkartzen dira (norberak etxetik zerbait ekartzen du).
• Afaldu ondoren, eskuargiekin liburutegira joaten dira eta gau horretan irakurtzeko liburuak aukeratzen dituzte.
• Ondoren gaua pasako duten gelara joaten dira (beraien gela, psikogela, gimnasioa…).
• Gaua pasatzeko behar dutena eramaten dute (lozakua, esterilak, eskuargiak). Psikogelan eginez gero, ez da esterilarik behar.
• Irakurtzeari ekiten diote: “Ea nork irauten duen gehien irakurtzen”. Adinaren arabera lokartu aurreko ipuinak irakurtzen dira, txikitan gustuko zituztenak edo berriak.
• Gosarirako norberak etxetik zerbait eramango du. Gosaldu ondoren, klasera.

Anima zaitezke hemendik ikasturte bukaera arte honako hau edo antzeko ekimen bat bultzatzen eta hala egiten baduzue, badakizue, argazkiak bidali!