• APIRILAK 11   |   2023-2024 edizioko data

Kanpainarako dokumentuak

1. JUUL 2024 emaitzekin lan egin

Kaixo JUUL kide,
Lehenik eta behin ZORIONAK guztiei egindako lanarengatik! Zoragarriak zarete!
Eta, orain, Juul hauteskundeen ondoren, Juul kanpaina eta orokorrean irakurtzeko zaletasuna sustatzeko ekimenak ez ditugu bukatutzat emango. Zer egin dezakegu eskuartean ditugun emaitza horiekin? Hona hemen ideia batzuk bozketako emaitzei etekina emateko.

  1. Alderatu Euskal Herriko ikastolen ondorioak, gure ikastolan ateratakoekin. Zeintzuk dira berdinak? Zeintzuk ezberdinak?
  2. Nola lortuko ditugu ikastolan ez ditugun liburuak? Begiratu etxean ea hautatuenak dituzuen eta ekarri. Ikastolak liburu horiek ez baditu, lortu.
  3. Liburu hautatuen pasadizoak irakurri.
  4. Geletan emaitzak komentatu. Ikasleek zerrendetako libururen bat irakurri badute, azal dezakete zergatik uste duten liburua aukeratua izan dela. Elkarrizketa sortu. Zergatik hautatuena? Irakurtzeko gogoa piztu.
  5. Idazleak eta ilustratzaileak ikastolara gonbidatu.
  6. Idazleei eta ilustratzaileei gelako eskutitza bidali hautatuenak izan direla jakinaraziz.
  7. Liburuen azala edo ilustratzaileen argazkia muraletan jarri. Horma-irudi moduan pasabidean iragarri (hemen duzue informazioa).
  8. Mahai baten gainean liburu horiekin erakusketa txiki bat muntatu.
  9. Gurasoak informatu, zuei lana errazteko zirkular eredu bat prestatu dugu (JUUL gurasoen atalaren dokumentuetan hiru hizkuntzetan duzue edo klik egin:              euskaraz-gazteleraz            euskaraz-frantsesez.
  10. Ikastoletatik jasotako argazki bilduma ikusi (webgunean ikusgai egongo da).

Ideia hauek lagungarriak direlakoan,
Ongi pasa eta gozatu irakurtzen!!!
Nafarroako Ikastolen Elkarteko
JUUL arduradunak


Fitxategia jaitsi

2. JUUL INFORMAZIOAK ETA DATAK

Kaixo JUULkide:

Idatzi honen bidez, JUUL kanpainaren inguruko zenbait informazio bidali nahi dizkizuegu.

Bozketaren datari dagokionez, boto-txartelaren bidez zein boto elektronikoaren bidez, APIRILAK 11, OSTEGUNA izango da, nahiz eta bozketa egiteko aukera apirilaren 10era ere zabalduko genukeen. Datarekin arazoren bat izanez gero, mesedez antolatzaileekin harremanetan jarri.

Informazio gehiago dokumentuan, jarraitu irakurtzen.


Fitxategia jaitsi

3. JUUL 2024 ARAUTEGIAK

Arratsalde on, juul kideak:

JUUL 2024 kanpainari dagozkion ARAUTEGIAK bidaltzen dizkizuegu. Mesedez, dokumentuak arretaz irakurtzea eskatu nahi dizuegu, izan ere, JUUL hauteskunde-eguna egoki antola ditzagun, oso inportantea baita arautegietan agertzen den informazioa (datak eta eginbeharrak) argi edukitzea. Bestalde, BOTO-TXARTELA ereduak igortzen dizkizuegu.

Badator Juul!

NAFARROAKO IKASTOLEN ELKARTEA


Fitxategia jaitsi

4. JUUL IRAKURZALETASUNA: IDEIAK ETA ESPERIENTZIAK

Egun on JUUL kideak,

Ohartuko zineten bezala, JUUL kanpainaren webgunea berritu dugu, beste itxura bat eman diogu. Zuen gustukoa izatea espero dugu!

Kanpaina aurrera doala, gogoratu nahi dizuegu webgunean ditugun zenbait baliabide. Adibidez, irakurzaletasuna bultzatzeko erabil ditzakegun ideiak eta esperientziak.

www.juulkanpaina.eus webgunean zintzilikatzen ditugu aipatutako ideiak eta esperientzia guztiak: https://www.nafarroakoikastolak.net/juul_ideiak_esperientziak.asp


Fitxategia jaitsi

5. FAMILIEI GABONETAKO ZIRKULARRA

Egun on juulkideak,

Mezu honen bidez, Gabonetarako opari ona... liburu bat edo bi... familiei zuzendutako zirkularra, euskaraz eta frantsesez eta euskaraz eta gaztelaniaz helarazten dizuegu. Zuen familien artean banatzeko erabilgarria izan daiteke.

Ongi izan,

JUUL ANTOLAKUNTZA


Fitxategia jaitsi

6. JUUL KANPAINAREN AURKEZPENA

Kaixo, JUUL kideak:

Lerro hauen bitartez, JUUL egitasmoaren azalpen-aurkezpenak bidaltzen dizkizuegu formatu ezberdinetan: CANVA programako loturak eta erantsita Power Point artxiboak.

Baliagarriak izango zaizkizuela espero dugu.

Laster arte, ongi izan,

JUUL ANTOLAKUNTZA


Fitxategia jaitsi

7. JUUL DATAK ETA BESTE BATZUK GOGORATZEKO

Kaixo JUULkide:

Aurtengo JUUL kanpainaren zenbait data eta hainbat datu gogoratu nahi genizkizueke.

Mesedez, irakurri dokumentua eta edozein zalantza duzuela, jar zaitezte gurekin harremanetan.

NAFARROAKO IKASTOLEN ELKARTEA


Fitxategia jaitsi

8. JUUL 2023 BERRIKUNTZAK ETA INFORMAZIOAK

Kaixo JUULkide:

Idatzi honen bidez, JUUL kanpainaren inguruko zenbait informazio bidali nahi dizkizuegu:

  • Bozketa elektronikoarekin probak egiteko datak
  • Irakurzaletasuna, Ideiak - Esperientziak
  • JUUL 25 URTE, Logoa, Leloa eta Kartela
  • JUUL KANTA
  • FACEBOOK

Erantsitako dokumentuan informazio guztia dator.

Eskerrik asko eta ongi izan!

NAFARROAKO IKASTOLEN ELKARTEA


Fitxategia jaitsi

9. ZER DA JUUL? Familiei azalpena

Kaixo, JUUL kideak:
Mezu honen bidez, familiei JUUL kanpaina zer den azaltzeko zirkular-eredua bidaltzen dizuegu.
Euskaraz+Gaztelaniaz
Euskaraz+Frantsesez
Erabilgarria izatea espero dugu, ongi izan,
NAFARROAKO IKASTOLEN ELKARTEA


Fitxategia jaitsi

10. 2023 JUUL ARAUTEGIAK ETA BOTO TXARTELAK

Arratsalde on, juul kideak:

JUUL 2023 kanpainari dagozkion ARAUTEGIAK bidaltzen dizkizuegu. Mesedez, dokumentuak arretaz irakurtzea eskatu nahi dizuegu, izan ere, JUUL hauteskunde-eguna egoki antola ditzagun, oso inportantea baita arautegietan agertzen den informazioa (datak eta eginbeharrak) argi edukitzea. Bestalde, BOTO-TXARTELA ereduak igortzen dizkizuegu.

JUUL 25. urtemuga

GAU ETA EGUN, LIBURUAK LAGUN!


Fitxategia jaitsi

Izena eman irakurzaletasun gunetik albisteak jaso nahi badituzu.