Ideiak eta esperientziak
2010/11 kanpaina

Ipuin klasiko honek aukera ugari ematen ditu adin guztietako ikasleekin lan ezberdinak egiteko, baita helduokin ere, bertsio interesgarri eta berezi pila argitaratu baitira. Hauxe egin dute Nafarroako Arangoiti ikastolan eta haien esperientzia gurekin zabaldu nahi izan dute.

Bilboko Abusu auzoan irakurzale anitz dago, elkarte ezberdin, izaera ezberdin... mota guztietako irakurzaleak. Proiektu honekin irakurtzeko gustua sustatzea nahi dute auzokide guztiak inplikatuz, era berezian, haur eta gazte auzokideak.

Lehen Hezkuntzako aurreneko eta seigarren mailako ikasleen eta irakasleen artean aurrera eramaten ari garen proiektua da. Abian jarri dugun proposamenaren izena “Irakurle lagun” da eta honek adierazten duen bezala, irakurketa bultzatzeko jarduera da. Seigarren eta aurreneko mailetako ikasleak bikoteka elkartu eta irakurketa saio bereziak antolatu ditugu astero.

Egon badira botila batean aurkitutako mezuak, horiek sorpresa eta zirrara sortzen omen dute. Eta, liburuetan aurkitutakoak? Ez al duzue inoiz liburutegiko liburu batean horrelakoak idazteko gogoa izan? Hamaika mezu idatz daitezke!

Bookcrossing liburuak elkarrekin trukatzeko proiektua da. Liburuak leku jakin batean edo kalean bertan "aske" uzten dira, norbaitek topatuko dituelakoan. Pertsona batek liburu bat aurkitzean, liburuaren kodea erregistratu egiten du Bookcrossing webgunean. Honela liburuaren ibilbidea jarrai daiteke. Bestalde behin liburu bat irakurrita, berriro libre uzten da irakurle gehiago izateko eta... mundua ezagutzeko.

Flash mob: Aldez aurretik antolatuta dagoen pertsona talde baten ustekabeko ekintza eta ekintza egin bezain pronto desegiten dena. Adibidez: Kaletik zabiltza eta bapatean gazte talde bat hasten da koreografia bat dantzatzen. Bukatzen dute eta taldea desegiten da ikuslearen harridura sortuz.